الج ـريمـ@

من طرف غريم الشوق الإثنين مايو 12, 2008 4:17 pm

القصيده :الجريمة

يوم ثارت في جنون من جنون الجاهليه
عاتبتني لين شبت في شراييني لهبها
واستفزتني وفزت وزعلت مني عليه
وستضاقت من كلامي يوم زعلني عتبها

من بعدها ما بقى لي في محانيها بقيه
اسدلت دمع المحاجر للبكا ورخت هدبها

والله اني مانويت ابدي معاها بالخطيه
بس هي اللي تعدت حدها لحظة غضبها

والله اني كنت اكابر بالعتب بحسن نيه
بس ابدري هو صحيح اني الوحيد اللي عجبها

يمكن اني كنت قاسي بالعتب معها شوية
كثر ما كانت تمنى راحتي واعشق تعبها

جرحتني بالكلام وكبرت حيل القضية
واخسرت بي كل عرق من شراييني كسبها

ولا هي ماكان فيها للموادع مقدرية
والجفا كانت تعافه بس مدري وش قلبها

ليتني مارحت اقياس قيمتي عند بدوية
رجعت لي كل عرق حبها ولا نهبها

وعلمتني كيف بالجفا وانتصر وابقى ضحيه
وعلمتني كيف قلبي لو غلبها ما غلبها

وعلمتني يوم صدت عنفوان الاجودية
ماتلوح للمقفي لو سلبها ما سلبها

رابية بين القبايل والعرب واهل الحمية
عاقله ماتبذر إلا نخلة تعرف رطبها

إن تهادت ذكرتني في خفوق العامريه
وإن تمادت تركب ابليس الرجيم وماركبها

جفنها لا سلهمت به ما يطليق السامرية
تسحبه برضاه عينه وان سهت عينه سحبها

وان حكت تعطي مكانه للحروف الابجدية
كن كلمتها تلفت للكلام اللي عقبها

والحروف اليا تعدت بالشفاه النرجسية
كنها صارت قصيدة بس ربي ماكتبها

وش بوصف من حلاها وش بخلي للبرية
مابها بالحسن عيب واكشفته الا حجبها

شعرها فيه الخوي اللي تبرى من خويه
والشفا لو تشرب الما واختلط فيها شربها

كن في ضمة شفاها جمرتين بنار حيه
كل من حس بدفاها وحترق صد وقربها

شفتها مثل الجريمه وابتليت ابها بليه
غلطة ٍجيت اتحاشى ظلمها قلت ارتكبها

كل شي شفت فيها فيه نبره جاذبيه
موهبة من فضل ربي واشهد ان الله وهبها

كلها لله بلله فاتنه ها لآدميه
عاجبتني من بداية راسها لا سفل كعبها

لو تبادلني شعوري والهدية بالهدية
ماوفت لي لو تبيع ثيابها واغلى ذهبها

هملتني والقلوب الجرهدية جرهدية
وحرقتني والمحبه نارها تاكل حطبها

ولا انا ماكنت اكابر والليالي السرمدية
يمكن ان اللي غصبني للولع فيها غصبها

ياخوفوقي وادري انك منت في حاجة وصية
شف مكاني وانت تدري وين هي يمة عربها

رح لها وان كان فيها قلب يطمح في مجيه
شف طلبها في عروقه وان حصل تمم طلبها

وانشده وان قال عنها من هدر دمي بريه
قله ان اللي حصلي بالمحبة من سببها

ولو يقول اني تعمدت الخطا لجل الأذية
قله اني ما تحمل بالعتب قله ادبها

ولو يقول اني انا اللي كنت بادي بالخطية
قل هي اللي تعدت حدها لحظة غضبها

حــــــــــــــامـــــــد زيـــــــــــــد

من طرف **almayasa** الإثنين مايو 12, 2008 7:34 pm

كلام رائع شكرا لك

من طرف زائر الثلاثاء مايو 13, 2008 4:59 am

كنت على اليقين من اختياراتك الجميلة
ولذلك رجوتك بشيء لحامد الزيد
ما اروعك يا الغلا في الاختيارات
وما اروع حامد زيد عندما يقول

كل شي شفت فيها فيه نبره جاذبيه
موهبة من فضل ربي واشهد ان الله وهبها
كلها لله بلله فاتنه ها لآدميه
عاجبتني من بداية راسها لا سفل كعبها
============
ولا اعلم كيف ارد لك جميلك
فلشكر احيانا لا يكون شيئا
في مواقف كهذه
..........
دمت بحفظ الرحمن

من طرف غريم الشوق الأربعاء مايو 14, 2008 12:28 am

يسلمو المياسة على المرور

من طرف غريم الشوق الأربعاء مايو 14, 2008 12:30 am

هلا وغلا ساو دائم منور الصفحه بوجودك
مسكور على المرور

الج ـريمـ@

الج ـريمـ@

رد: الج ـريمـ@

رد: الج ـريمـ@

رد: الج ـريمـ@

رد: الج ـريمـ@